حوار مصرى جدااااااااا

حوار مصرى جدااااااااااااااا

يقال إن87%من الشعب المصرى ساخطون على الحكومة المصرية ... ما تعليقك ؟
ــ ال 13% الباقيين معاهم جنسيات أخرى .

# تقرير :45% من الشعب المصرى مصابون بمرض السكر ما تعليقك ؟
ــ آدى اللى خدناه من" الحلوانى " اللى بنى مصر .

# ما أهم مظاهر الفهلوة عند المصريين ؟
ــ انهم يشكون فى الشحات ولا يشكون فى النصاب .
# ليه الحزب الوطنى بيعمل اعلانات لنفسه مع ان البلد كلها بتاعته ؟
ــ زى ما شبكة الأوربت بتعمل اعلانات لنفسها على شاشة الأوربت .

# ما الفرق الأهم بين مصر وأمريكا ؟
ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .

# ما أهم قاعدة موجودة فى مصر ؟
ــ ان مفيش قاعدة لأى حاجة

# ما وجه الشبه بين السد العالى وقانون الطوارىء ؟
ــ الأثنان مصدر " للكهرباء!!!" .

# لماذا يطلق المصريون على زوجاتهم لقب " الحكومة "؟
ــ لصعوبة تغييرها مهما تسببت فى كوارث .

# أين يمكنك أن تلاحظ سوء نية المصريين ؟
ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا .

# ليه أكتر ناس بياخدوا مواقف معارضة جريئة هم الناس بتوع الغزل والنسيج ؟
ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة.

# امتى بتحس ان البلد حلوة ؟
ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)

# امتى هناكل جوافة من انتاج مزارع توشكى ؟
ــ لما نلاقى المشمش!!!!!

# هل لك أقارب استشهدوا فى الحرب ؟
ــ لأ عندى أقارب استشهدوا فى السلام ..... " السلام 98" . .

# ما الدليل على أن مصر بلد الامان ؟
ــ الدليل ان الواحد بيتردد كتير قبل ما يدخل أى قسم شرطة .

# ايه الكلمة اللى ما بتحبش تسمعها وانت فى أوضة العمليات ؟
ــ يا خسارة .

# ما الفرق بين الزوجة المصرية والزوجة اللبنانية ؟
ــ 40 كيلو جرام على الأقل .

# من المستفيد من الزحام الذى يسيطر على شوارع القاهرة ؟
ــ شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ".
المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " .

المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية .

المستفيد السادس المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على .

## ليه بيقدموا الساعة ساعة عندنا فى الصيف ؟
ــ علشان مصر تتقدم بينا .

### لماذا يقال عن الشعب المصرى انه شعب فوضوى ؟
ــ علشان بيكره " النظام " .

ههههههههههههه
تسلم الايد الي كتبت لينا الموضوع الجميل دا
تسلم يا ندوره

مصر هيا امى ههههههههههههههههههه

تسلم يا كبير على الكلام ده

ياعم نادر سيبك من السياسه

فى ضرب موت
وانا من الاول بقول
انا معاك على طول
بس مع اول قلم
اقسم بالله
هعترف انك
من حركه حماس

مساء الفل يا ريس نادر قول بقى كنت بتتكلم فى ايه

مسا الجمال عليك يا وليد لا ياباشا ابدا ده انا كنت بهرج بس
وتسلموا يا رجـــــــــــــالتنا على الردود

ايه ياوليد انت جاى غلط ولا ايه
انت هنجت
ياجمـــــــــــــــــــــــــــــــــاعه
وليد مش بيجمع

اصل يا حامد نادر كان قال كلمه عمال افتكرها ايوه اهى جت مرسى ابن المعلم زناتى انهزم يا مينز

بسم الله الرحمن الرحيم
نت مش هتريح الا لما كلن نخش المعتقالات
والمنتدى يتخرب بسى على العموم
انت عندك حق فى كل كلمه بتقولهه

ههههههههههههههههههههههه
متخفش يعم محمد كلكم فى السليم انا هعترف على
نفسى بس انا والمعلم وليد والمعلم حامد والزعيم
معلش يا رجاله مش هنضرب لوحدى

لالالالالالالالالالالالالالالا ياعم نادر

البضاعه بتعتك وانا مليش دعوه
وانا ومحمد سعد بنوزع بس
وسامى ووليد بشربو ومن الاخر لو حد بلغ هكون انا

ههههههههههههههههههه
خيـــــــــــــــــــــــــــانـــه
ينفع يعنى يعم حامد لا يابا خلينا كلنا مع بعض احسن

» فرحة مصرى
» دعاء مصرى ميه ميه
» ازاى تعرف انك فى فرح مصرى
» ان كنت بتحب مصر خش واكتب تعليقق
» حوار ليله الدخله