بسم الله الرحمن الرحيم
بنت لماحة اووى وزواقة
البنت : هاى داد
الاب : قشطة يامزة
البنت : عايزاك فى بروبلماية كدة
الاب: ارغى عوزة اية
البنت : انا فى واحد معايا فى الحضانة بيحبنى
الاب : هايل دة السن الطبيعى للحب
اية بقا المشكلة
البنت : انى مش عرفة انى بحبو ولا لا
الاب : ازاى
البنت : اصلو كل يوم يعزمنى على مصاصة وبيحاول
يتقربلى وبييجى يلعب معايا كل يوم بالمكعبات
وكدة يعنى بس انا مش حسة من نحيتو بحاجة
الاب : لية
البنت : المفروض لو بيحبنى بجد يوصلنى كل يوم بالعجلة بتعتوا
بس هو مش بيعمل كدة
الاب : امال بيعمل اية
البنت : عاوز يبين إنه ولد كول وبيقعد يعمل خمسات بيها
وكدة ومطنشنى
الاب : مطنشك إزاى
البنت : مبيقوليش خدى لفة ولا اى حاجة من كلام
الحب دة بس ساعات بيعبرلى عن شعورة
الاب : ازاى
البنت : فى عيد ميلادى الى فات جابلى بامبرز هدية بس كنت فرحانة بية اوى
الاب : باية
البنت : بالبمبرز طبعا
الاب : محولتيش تخرجى معاة قبل كدة وتفهمية؟
البنت : خرجنا مره ورحنا جنينة الاطفال وكان بيمرجحنى
الاب : الخسيس
البنت : لية بتقول كدة؟
الاب : عشان مخدنيش معاكوا
البنت : بس انا لازم احسم الموضوع دة
الاب : قشطة هو دة الصح
البنت : اوك باى بقا
الاب : رايحة فين
البنت : هاخد الرضعة وانام
__________________
يارب تعجبكم
الحيااااة انتهــــت
الخميس 14 أكتوبر 2010, 10:31 pm