بعد متعرفو واتقابلو واتجوزو والحياة معاهم بقت 100 جيجا
بايت فى الثانية
أخيرا يا حبيبتى اتجوزنا و اتقفلت علينا رووم واحدة
ايوة يا حبيبى أخيرا
بس مال الصوت بيقطع هنا ليه ؟
يا ستى واحنا هانعوز الصوت فى ايه
اعملى ميوت
ههههههههه
على رأيك...
باقوللك ايه ؟
ها
عملتى باس وورد للروم , احسن نلاقى الناس جاية
اطمن عملت باس وورد طبعا و لا يهمك
بعدين انت بقيت آدمن البيت
يعنى اى حد مش على مزاجك
باند على طول
طب يلا بقى خلينا اوف لاين عشان ننام
-----------------------------------------
يوم الطلاق
انتى يا ولية ..
ولية !!!
أنا ولية ..
انت ناسى أد ايه حفيت عليا فى الروومات و الماسينجرات ؟
ان كنت ناسى افكرك
كان يوم اسود ياختى يوم ما عملتلك آد "add"
يا ريتنى كنت برب"brb" و لا ديس كونيكت مكنتش شفت خلقتك
نعم نعم
مالها خلقتى .. مش كنت بتموت عشان تشوفنى على الكام
وكل شوية تقوللى فين كامك
كنت أعمى و أضبش و أطرش .. ارتحتى !!
يا خاين يا غدار
يخونك اللى بيننا ؟
ده احنا بيننا روومات و هىء ومىء و دوت و كوم
يخونك الإنفيتات اللى كنت بابعتهالك عشان تبقى جنبى فى الروومات
خلاص نسيت الإيميلات و السهرات
مكنتش اعرف ان الواير ليس بتاعك ضعيف كده يا ساتر عالتلبيسة
انتى أكيد فى مخك فيروس عاوزه يتعملك فورمات
انت اللى اكيد فى حد مهكر عليك
بقى يرضيكم ياهووووووووو
ياخدنى أون لاين
يرمينى أوف لاين
منك لله
من النهاردة انت إنفيزيبل فى حياتى
جة اليوم اللى تعمليلى فيه انفيزبول
وانتى ريموف بالتلاتة
ورقتك هتوصلك على الايميل
الجمعة 26 فبراير 2010, 2:21 am
