مرة واحد من كراديس عبيط ......

شوية نكت جامده

بيقولك

مرة واحد من كراديس عبيط بيلعب شطرنج لوحده ، اتغلب

مرة شوية من كراديس بيلعبو ع الطريق السريع الى يتخبط مرتين يطلع بره

اتنين من كراديس بيلعبو شطرنج الملك مات مشلول

تسع من كراديس عبط بيركبو لمبه ، واحد ماسك اللمبة و تمانية يلفو السقف

شباب كراديس عملو اتوبيس بالعرض ، عشان يركبو كلهم قدام

واحد من كراديس اهبل بيكشف نظر الدكتور قاله 6\6
بيقول لصاحبة كنت هجيب اكتر من كده بس الدكتور لخبطنى

نكت جامده ، مش كده

طب يا ترى وانت بتقرأ كنت مبسوط وبتدحك ولا دمك محروق عشان تريقه على اهلى كراديس

سبحان الله ، مع ان مفيش يوم بيعدى عليك الا ما تقول نكته او تسمع نكته تريقة ع الصعايده
طيب هل فكرت مره لو كنت انت صعيدى وشايف الناس كلها بتتريق عليك كان هيبقى احساسك ايه
اكيد كنت هتتكسف تقول للناس انك صعيدى

طيب انت سالت نفسك قبل كده مين هم الصعايده عددهم كام انجازاتهم ايه

الشيوخ الى بنحب نسمعلهم كلنا ( الشيخ عبد الباسط عبد الصمد ، والشعشاعى ، محمد صديق المنشاوى) وغيرهم من الصعايده
القائد العظيم جمال عبد الناصر كان صعيدى
الاديب والكاتب مصطفى العقاد صعيدى
مصطفى لطفى المنفلوطى صعيدى
الصحفيان محمود بكرى ومصطفى بكرى بردو صعايدة

اوائل السنويه العام من سنة 2000 كتير منهم صعايده
دكاترة جامعه ومخترعين وغيره وغيره

كل ده ولسه عايز تتريق على اخواتك الصعايده،
طب هى النكت بتتطلع عليهم ليه
عشان لسه عندهم حمية ونخوة
وبيخافو على شرفهم وسمعتهم وبسبب كده بيظهرو متعصبين .

هل ده يستحق التريقه والشتايم والمسجات الى كلها عن الصعايده

فى النهاية
ادعوكم الى الانضمام الى " حملة احترام الصعيدى "
بينك وبين نفسك لو جاتلك ماسج اولها مره واحد صعيدى متكملش واحذفها .
لو واحد صاحبك بيقولك مرة واحد صعيدى ، قوله مش عايز اعرف
ابدأ بنفسك وادعى غيرك
اكيد فى يوم من الايام هتنتزع الفكرة دى من العقول.
و تخيل فى كل نكته انك ممكن تكون صاحبها
وافتكر قول المولى عز وجل
بسم الله الرحمن الرحيم
(ياأيها الذين امنو لا يسخر قوم من قوم عسى ان يكونو خيرا منهم ولا نساء من نساء عسى ان يكن خيرا منهن ولا تلمزو انفسكم ولا تنابزو بالالقاب بئس الاسم الفسوق بعد الايمان ومن لم يتب فأولائك هم الظالمون )

بجد موضوع جميل

وربنا يوفقك فرى الحمله

اولا انا احترم فكرك بس عندى تعليق بسيط
الى هو انا كنت فى الجامعه نصف النكت الصعايده الى سمعتها منهم هما
تانى حاجه لحد الان انا فى الجيش وهم بردوا لما نجلس مع بعض فى الجيش هم بردوا الى يقعدوا
يقولوا النكت على نفسهم
دى حاجه
بس انا لحد الان كل نكت الصعيد اعرفها منهم هم على العموم هى فكره حلوه بس مش هتنجح لان انا
عن تجربه الصعايده نفسهم فخورين بيها وانا مش بتكلم عن ناس مثلا متخلفين لا والله منهم دكتور ومهندس
وهكذا يعنى
وشكرا على الفكره بس نصيحه
محاوله حلوه بس فاشله
وبالمناسبه نكت لسه سمعها من صعيده والله معايه فى الجيش
منذعام 1967 عرف الصعايده لعبه الاستغمايه فلم يظهر منهم احد حتى الان
وشكرا يابرنس

هى فعلا حمله فاشــــــــــله اسف متزعلش منى
بس فعلا عمرنا ما هنقدر نقضى على نكت الصعايده لان اساسا
متبقاش نكته لو مفيهاش مره واحد صعيدى وده من زماااان اوى وفعلا منهم الى بيقولوا النكت دى على نفسهم
ومنهم الى بيضايق وبيتعصب طب ليه بقى هو الى على راسه باطحه بيحسس عليها .......
وفى الاخر برضه اسمها نكته
مع فائق احترامى لكل الصعايده نفر نفر ... ولصاحب الموضوع
مرة واحد من كراديس عبيط ...... Icon_biggrin

المايسترو

القلب الحزين

نادر كامل

-------

شكرا لمروركم الكريم

وملحوظة للمرة التانية : أنا أختكم الدرّة المصونة

-------

طبعا لكم الحرية فى ابداء الرأيى ولكم كل احترام وتقدير

لكن تعالوا نفكر فى المواضيع بجميع الاتجاهات

احنا فكرنا فى اتجاه واحد ( ان الصعايده نفسهم بيقولوا النكت ) .. حاجة واردة

احنا هنا فى مصر بعض المصريين نفسهم بيتريقوا على الشعب المصرى
سبحان الله اول لمس : كنت فى ديرب وناس من اهلها سمعاهم بيقولوا رسايل على الموبايل كلها تريقة على المصريين وخاصة المرآة المصرية

انا بجد كنت قاعدة متضايقة عشان احنا اللى بنسوأ صورتنا يايدينا

-------

فشىء طبيعى ان الاقى صعايد نفسهم بيقولوا النكت لكن لازم نعرف ان فى ناس بتتضايق

والشىء الاعظم اللى لازم اعرفه ان لما بقول النكتة دى سواء الصعيدى فرحان ولا زعلان
برتكب ذنب

لان الاية بتقول

(ياأيها الذين امنو لا يسخر قوم من قوم عسى ان يكونو خيرا منهم ولا نساء من نساء عسى ان يكن خيرا منهن ولا تلمزو انفسكم ولا تنابزو بالالقاب بئس الاسم الفسوق بعد الايمان ومن لم يتب فأولائك هم الظالمون )

-------

يعنى الواحد ما يقلش اللى قدامى فرحان ولا زعلان .. انا بنفذ اوامر الله مهما كانت

غير فى حاجة

كما تدين تدان

انهارده قلت نكتة على صعيدى ولا يابانى

بكرة هتلاقى حد بيتريق عليك ويقول نكتة تحرق دمك

هو كده .. انهارده لك بكره عليك

-------

فكل واحد فينا يبدا بنفسه

والرسول عليه الصلاة والسلام قال

( من اتقى الشبهات فقد استبرأ لدينه وعرضه) .. صدق رسول الله صلى الله عليه وسلم

--------

انا اسفة انى طولت فى الحديث

واتمنى يكون كلامى واضح

ومش هنموت لو بطلنا نكت على الصعايده بالعكس هناخد ثواب لو نيتنا لله واحتراما للاخرين

وجزاكم الله خيرا

شكرا ليكى الدره المصريه
ربنا يجزيكى على قد نيتــــــــك علشان انتى فعلا نيتك خير
شكرا ليك يا جميــــــــــــــل

للاسف مش تزعل منى ده موضوع مش حلو ليه بتسخر من كراديس وده رايى مش تزعل

اولا انا عاوز اقول لى حناوى كلمه
انت يا حناوى جاى غلط ولا مش فاهم
ولا ايه بظبط
المهم

ممكن نقول ان المصريين بتريقو على نفسهم
دى مثلا خفت
دم
روح المصريين كده

نادر

الحناوى

المايسترو

شكرا جزيلا لمروركم الكريم

رجاء منكم ( عدم ذكر تلك الكلمات : جميل , سكر ,قمر , باشا .... الخ ) الاخ لاخت والعكس

حفاظا على روح الاخوة فى الله بيننا

( وما يلفظ من قول الا لديه رقيب عتيد )

وجزاكم الله خيرا

بسم الله الرحمن الرحيم
والله الكلام كلو زى الفل بسى لالاسف الاخ او الاخت الدره
الى متعرفوش ان الشعب المصرى ابن نكته
وهوه اول من بدع النكته والدم الخفيف
وانا شايف لو الصعايده مبيزعلوش خلاص
مش مهم نتقل دمنا علشان احنا دمنا خفيف
وعلى العموم ربنا يوفقك

شكرا لمرور حضرتك يا افندم

انا أبديت رأيى وحضرتك لك وجهة نظر أخرى

خير ان شاء الله

فكره جديدة

بجد بجد موضوع جميل
يسلم اولا تفكيرك وثانيا ايدك اللي كتبت الموضوع
احنا فعلا ياريت نبطل كلام علي الصعايده بالشكل ده وانا اوعدك اني اول واحده هعمل بالنصيحه والله
وعد باذن الله مرة واحد من كراديس عبيط ...... Star3

يعنى من غير زعل من كافة اهالى المحافظات
الصعايده بتوع النكت
والمنصوره يقولوا بنات لويس عشان الفرنساويين اتشاقوا هناك
والمنزلاوى رباوى(والمقصود ان معاملاتهم الماليه وحشه)
والمنوف لايلوف وان اكلته لحم الكتوف
حطّوا المنوفى والحيه فى كيس الحيه خرجت تستغيث
والاسكندريه دول بنات بحرى خدى بالك من جوزك واجرى
و من القاهره يعنى لا اصل ولا فصل يا غلبان .. منين يابنى اصلك وللا نبت شيطان

اكمل ....؟
لسه حد بيقول اشمعنى؟
كله على كله على رأى عدويه
محدش خالص من التريقه طبيعة شعب يعنى

مرة واحد من كراديس عبيط ...... Lol

السلام عليكم
معلهش لوسمحت يامحمد انتا زعلت لما هو سخر من كراديس بس هو علي العموم ميقصدش
و بيعرفكم ان بردوه الصعايده دول ناس وبتحس
وبتزعل لما بتسمع الكلام ده زي مانتا زعلت كده علي كراديس
وعلي فكره الموضوع ده جميل بجد يسلملنا تفكيرك بجد
وبجد ربنا يوفقك عشان تفكيرك ده
واوعدك اني اول واحده ابطل الكلام علي الصعايده بجد

يسسسسسلموا يا قمر

جميله اوى

بس اللى عجبتنى جامد بتاعة دكتور العيون

هههههههههههه

بالتوفيق يارب

» حــصــريــا " القــرءان الكــريم " بــصــوت جمــيع قـراء الـعالم العـربـى بموضوع واحد و برابط واحد على سرفر مباشر::::......
» ماتحتاجة قرية كراديس
» واحد معاااااااه ربع جنيه
» نادر نور " واحد واحد "
» رسالة واحد غبي الى ولده