الاصدقاء

مساء الفل يا شباب
المنتدى بتاعكم منور الكويت
على فكره انا لسه عارف بالمنتدى بتاعكم ده من ساعتين
يعنى انا بكلمكم دلوقتى بعد الفجر وفرق التوقيت بينى وبينكم ساعه
على العموم انا كنت عايز ابارك ليكم على رمضان
وعلى المنتدى
رمضان كريم
ويا رب بركه رمضان تعود عليكم بالخير
ويا ريت لما انزل كراديس تكون اتغيرت
ونسبه البطاله فيها قله شويه
على فكره
انا هحاول انشر المنتدى بتاعكم دا هنا فى الكويت
يعنى يا ريت
ميكونش فى المنتدى تجاوزات
علشان ميكنش شكلنا زباله قدام الناس
ويا ريت المره الجايه لما ادخل على المنتدى
الاقى اخبار البلد
افرحها
واحزنها
وكل حاجه فيها
يا رب اكون صديق خفيف عليكم
مش تقيل
لان الواحد فى الغربه بيحب يعرف كل حاجه عن اهله
وانتو اكيد العائله الكبيره بتاعتنا
يعنى ممكن الواحد مهما يبعد
بس برده مرجعه فى البلد
حتى لو الواحد توفته المنيه
برده هيرجع يندفن فى ترابها

يخليك يا ماجد باشا يارب


انا بيتهيألى عرفتك

انت ماجد فارس خطاب ولا انا غلطان


وبيتهيألى حامد محمد هاشم ومحمود حسسن ف الكويت كمان على ما اظن


انا اخوك وائل عنتر


انا حاليا ف الاردن والمنتدى جميل اوى واانا عليه يوميا


لانى موصل نت ف السكن اللى انا فيه بردو


ربنا يوفقك ويعينك ياررررب ويوفقنا جميعا


وكل عام وانت بخير


وياريت تقولى مظبوط انت ماجد فارس خطاب ولا انا غلطان

يارب وفقك وكل عام وانت بخير

بسم الله الرحمن الرحيم
اذيك يا معلم ماجد عامل ايه
انت عرفنى طبعا انا اخوك محمد سعد
ويارب تكون بخير واهلا بيك فى المنتدى

منور المنتدى يا عم ماجد انا اخوك وليد ماهر الى كنت بغلبك فى البلياردو واهلا بيك مره تانيه معانا على منتدى بلدنا وانشاء الله تحس انك موجود فى البلد من خلاله

منور ياعم ماجد المنتدى انا ممكن مش تعرفنى من اسمى لانه اسم مستعار لكن انا سامى صبرى ابراهيم
يارب تكون سعيد معانا ونقدر نجمعلك كل اخبار البلد اول باول يارب
بالتوفيق ان شاء الله

بسم الله الرحمن الرحيم
منور المنتدى يا عم ماجد ورمضان كريم ومرحبا بيك مره تانيه فى منتدى بلدك

حبيبى ماجد المنتدى منور الكويت وانتا منور المنتدى بكلامك الجميل
واحنا سعداء بوجودك ياريت نشوف مواضيع جديدة وفكر كويتى او فكر اسياوى



كلام خفيف


______جنيور ______

مساء الفل ياعم ماجد انا سامح بتاع الدش طبعا فكرنى
كل سنه وانت طيب وسلملى على كل اللى عندك
وسلام خاص لسامح السعيد
ومحمود حسن
والشيخ سيد عبدالله
وياريت كلوكم تشتركو على المنتدى وتكونو معانا كل يوم

منور المنتدى ياعم ماجد
معاك حامد نداء
يعنى ايام التعاب انا وانت فى بور سعيد
على المركب
يامعلم اخبارك ايه
وكل سنه وانت طيب
يارب ترجع لينا
بالخير

على فكره يا شيخ العرب كان ماجد فارس هو اللى كتب الموضوع وبعدين غير الاسم لصلاح علشان كده الكل رد باسم ماجد