الدماغ دى معجونه من ايه !!

]السلام عليكم





بعد التدقيق الشديد ف شرايط القنوات الفضائيه
( شرايط الشات الى بتبقى متلقحه ف اخر الشاشه )
و بعد التتنيح بالساعات قدام شاشه التلفزيون
استطعت بقدرتى العبقريه و الفذه من نوعها
ان استنتج .... ان نص الشعب حتما غبى و عايز الحرق





لاء الى بيحصل ده مش طبيعى !
انا قريت شويه جمل يا جماعه بجد تنحت قدامها !!
و بين كل جمله و جمله كان هيجيلى شلل





اليكم الشلل التالى







* ممكن حب اسكندرانى*


ايوووووووووووه و مالو !! طبعا زى ما انتو عارفين فيه حب اسكندرانى و حب قاهرى و فيه فلاحى و فيه صعيدى
واذا مشينا بالحدود شويه هنلاقى فيه حب لبنانى و حب امريكانى و صينى و يابانى و هكذا و مقولكوش بقى ع الحب المريخى




و بردو فيه حب بالفراخ و حب بالكباب و فيه بالشطه و اللمون !!



و يا سلام بقى ع الحب بالجبنه

فظييييييييع
خصوصا لما بيتقطع عليه طماطم بيبقى اييييييييييييه مقولكمش






* انا 75 سنه ممكن اتعرف على ليدى مناسبه


خمسه وسبعين سنه يخرببيت كدا و قادر يمسك الموبايل و يبعت مسج



ما شاء الله لسا ف عز شبابو بردو
آه و مالو ممكن تتعرف على كركوبه مناسبه




* ممكن واحده جميله للصداقه و الحب و ياريت بردو للسفر


آه ممكن طبعا
و يا ترى حضرتك عايزها كام سلندر




* انا شاب متدين ممكن ليدى عندها شقه


آه و مالو !! و فيه بردو شقه و عليها ليدى مجانا
وياترى ايه مواصفات الشق الى عايزها





* انا دلوعه و شبه نانسى عجرم ممكن اتعرف


آه و نص !!
و ياترى واخده من نانسى عجرم قفاها و لا كعب رجليها



اتدلعى يا اوختى و مالو !! و لما حضرتك اموره كدا
اومال بتعرضى نفسك ليه ع الشاشه
ايه محدش راضى يشترى خلقه نانسى عجرم
ايه الرجاله بقت بتطس ف نظرها
لاء معندهمش حق




* انا ف اعدادى ممكن اتعرف على بنت حلوه


هيا جت عليك ياضنايا
و ياترى عايزها ف سنه كام يا حبيبى
ابتدائى و لا حضانه
انا بالشكل ده هيجيلى السكر





*فلانه : انا نكديه موت ممكن اتعرف على نكدى و ننكد على بعض


* فلان : انا نكدى مووووت
و قعتك سودا و نهارك مش باينلو لون


كان نفسى امسكهم هما الجوز و انكد عليهم




*معاكى فلان ممكن اعرف اسمك سنك وطلباتك


آه و مالو انا فلانه يابنى ...
و الله يخليك اطلبلى واحد كباب و اتنين بانيه
احم احم .. و ياريت لو معاهم برجر




* انا عايز بنت للارتباط سمرا او بيضا او قمحى متفرقش



فوشيا !! الفوشيا يمشى معاك؟
طب ايه رايك ف البنفسجى جديد و منزلش السوق



* ممكن واحده جميله استايل عشان احبها


اه و مالو !! انا بردو عايزه بطاريه للموبايل بتاعى عشان انا قربت اهنج




* انا سى السيد بدور على امينه تسمع الكلام و تقول حاضر


اه و ماله حاضر ياخويا بقى حضرتك عايز امينه


ومالو





لو انت بتحبنى بجد ممكن اديلك رقمى !!


يا ما شاء الله !
انتو بتحبو بعض الاول و بعدين تتعرفو على بعض


تصدقو بالله انا دلوقتى بس عرفت اهميه السرايا الصفرا




* فلانه : ممكن تعرفنى على نفسك عشان هنبقى حب العمر


* فلان : هحكيلك عن حياتى كلها !! .. انا من النهارده ملك قلبك !! انتى حددى و انا تحت امرك


اشوف فيكم يوم بحق جاه النبى !! الدماغ دى معجونه من ايه انا خلاص هيجيلى شلل !! الطم ياخوانا




*انا قلبى فاضى .. حد عايزنى احبو


بسسسسسسسسسسسسسس انا موت خلاص



*فلانه : عرفنى على نفسك يا فلان و ابعت رقمك .. انا بحبك اوى



فلان : انا الى بحبببك اووى يا فلانه !! قوليلى صحيح هو انتى حلوه و لا لاء



لاتعلييييييييق ..





انا شكلى هموت تانى
ثوانى اموت و ارجعلكم




كلمه اخيره ..


الى بيحصل ده كتيييييييييير ..


شئ ميقبلوش لا قلب و لا عقل ولا منطق ولا دين ..


استهتار و استخفاف بالمشاعر و كذب ملوش نهايه و ضحك ع الدقون




و الى يفقع بقى ان كل اتنين بينافقو بعض و الوسيله الرخيصه ... الحب !


ايه الى جرى للمجتمع


ربنا يهدى الجميع


ايه رايكو فى الى بيحصل ده
[/center]