وتعالوا معانا نتعرف علي الشخصيه الجديده ؟؟

معلهش بقي ياهاني انا هااحط اسئلتي اتمني مكونش تقيله

1_ اعتذار تريد ان تقدمه لمن ؟؟

2_ هل انت تفعل ماتقوله بالمنتدي ؟؟

3_ من الاقرب لقلبك ؟؟

4- اذا اردت ان تبكي الان , فعلى من تبكي؟

5_ (( انت كل شيء بحياتي )) لمن تقولها ؟؟

6_ بماذا تقر وتعترف أمامنا الان ؟؟

7- اغمض عينيك دقيقة لو سمحت , ماذا خطر على بالك وانت مغمض العينين ؟؟

8_ واخيراا وليس اخراا ؟؟

مارائيك في شخصيه كل من

وليـــــــد ::::::::: الزعيم المصري :::::::::: اسماعيل فوده ::::::::::: وائل ::::::::: سلمـــــــــــــي ::::::::::::نــــــــــــادر

اتمني تكون اسئلتي خفيف عليك واتمني لك وقت ممتع

وانا بقولك ازيك يا هاانى واسئلتى

حبيبتك منين ؟

امنيتك ايه ؟

قولى رايك ف وائل بصرراحه حتى لو الصرااحه جاارحه وربنا ما هزعل ؟

اكتر حاجه زعلتك ف حيااتك ؟

كلمة اخيرة تحب تقولها .....؟

عايز مين يكسب الانتخابات المجلس الشعب والرئااسة وبصرراحه ؟


يارب اكون مش ضاايقتك وكنت ضيف خفيف عليك يا هاانى بااشا
















الحب ما هو الا رساله وفشلنا ف توصيلها

تحياتى الى اجمل اعضاء فى المنتدى
وميرسى بجد ليكى يا سلمى على المقدمة الجميلة دى
على فكرة اى سؤال هرد علية فعلا هيبقى رد صريح واكيد مش اى كلا م فاضى معقول
1 اعتذار تريد تقدمة لمن بصراحة انا اعتقد انى مفيش حد غلط فية فيوم ومعتذرتش لة
مباشرتا على العموم الاعتذار يكون لاى حد غلط فية فيوم من الايام من غير قصد

2 على قد مقدر بعمل بسى فية بعض الهفوات ولست بملاك
3 علىفكرة انا من الناس العاطفية جدا بحب الناس كلها بسى الاقرب لقلبى
اعز اصدقاء
اهلى
حبيبتى

4 ابكى على اعز انسان لية رحمة اللة ولدى
5 اقولها لحبيبتى حقا هى كل شىء فى حياتى بسمشهى لوحدة فى ناس تانية انا بعزهم اكتر من نفسى
6 افر واعترف باننى اخشى الحياة بما فيها من مستقبل لا يعلمة الا اللة

اعتراف تانى انى احلى واحد يبكى على اغنية ممكن بسى تكو ن جامدة
بعض المواقف المحزنة اكيد كفاية كدة

7 لما غمضت انا نمت لا بصراحة الى جة فى بالى اخويةالى اكبر منى على طول لانة جاى من السفر اليوم

8
ماشى يا سلمى بسى اسمحيلى انى اقول رأيى فى كلمة واحدة


وليد ابو دم خفيف
سامى الطيب
اسماعيل الجدع
وائل الرجولة

سلمى البرنسيسة
نادر البرنس على فكلرة يا نادر البرنس دة لقب اعز اخواتى


لا واللة يا سلمى احلى وقت انا عشتة على الكرسى ميرسى ليكى بجد يا قمر على فكرة انامستنى اى حد يسأـل جود باى

عم وائل باشا تحياتى

1 حببتى من(دويدة )
2 امنيتى بسيطة جدا وظيفة كويسة حببتى تكون لية بيت سعيد دا الى انا بتمناة مش عايز عربية ولا اى حاجة تانية نفسى فىكدةبس

3رايى انا قلتة بسى اقولة تانى ياعم وائل انك تسافر وتسيب اهلك وناس علشان لقمة عيشك اكيد انت ابو الرجولة ودم خفبفة الفترة الى بشوفك فبها وبتحب الناس

4 كلمة احب اقولها واللة العظيم نفسى الناس كلها تحب بعضها علشان نكون احسن من كدة
5 اما انا مش عايز حد يكسب الانتخابات خالص ياعم قلتهم احسن ونعم الضيف ياريستيجى ان شاء اللة بالسلامة سلمنى على اى خد عندك انا عارفة سلام يابرنس

زعمنا مساء الخيرات ياريس ماشى ياعم هرن عليك بسى كان نفسى فى اى سؤال اى نفحة كد ماشى يا زعيم

هههههههههههههه
عم هانى منور يا باشا على الكرسى
ربنا يخليك يا كبير على اللقب
وانا اتشرف بيه طبعا مدام هو لقب حد من اخواتك
ويارب يكون اسالتى خفيفه عليك

1_ مين هو مثلك الاعلى فى الحياه
2_شايف انك حققت جزء كبير من احلامك ولا لسه
3_ايه اكتر اسم ولد نفسك تسميه لابنك انشا الله
واكتر اسم بنت نفسك تسميه لبنتك
4_اكتر موقف مؤثر فى حياتك

ويلا كفايه كده يعم هانى
مسا الفل يا باشا

هههههههههههههههههههههههههههههههههههههه
اولا حلوه حكايه امنيه بسيطه قال وظيفه كويسه وتتجوز حبيبتك وبيت سعيد ناقص تقول وحته مبلغ قليل جدا حوالى 5000000 جنيه فى البنك اصحى يا ابنى عاوز ايه تانى بعد الامنيه دى وغير كمان ايه بيت سعيد ده وذنبه ايه سعيد تاخد بيته ياخى سيب الناس فى حلها

ثانيا احب الاسماء الولاد لهانى ؟؟؟؟؟؟؟؟؟؟؟؟؟؟ مش تخاف مش هقول يا ابو عبد الرحمن اما البنات يا عم ابو؟؟؟؟؟؟؟؟؟؟ مش تخاف برضوا مش هقولها بجد


ثالثا اسئلتى هى
1_ هل انت ندمان انك عرفتنى فى يوم وهل انا بسببلك مشاكل وانت فاهمنى
2_هل انا علمتك شىء فى الحياه من اخلقيات وخلافه من الشعور الجميله
3_وسورى لبقيه الاعضاء عاوزك توصفلى وليد وسامى وحامد وهانى بالتفاصيل الحلو والوحش
4_بما انى مش جبت سيرتى فى ولا سؤال احب اقولك ايه هى المواقف المحرجه الى عملتها فيك قبل كده
5_سر اول مره تقوله

ربنا يخليك يا ندورة ربنا يخليك يابرنس
1 مثلى الاعلى هم بعض مدرسينى وهما كتار دافى التعليم

1 ا ستاذ بديوى رياضة
2 ا سمير دراسات
3 ا ستاذ احمد عربى
دا فى الابتدائى
الاعدادية 1ا ايمن عبد الغفار رياضة
ا ستاذ طلعت تاريخ
3 الثانوية ا محمد لبيب تاريخ واقتصاد

اما كحياة دا اكيد اكبر واحلى مثل فى حياتى ولدى رحمة اللة



2\= اما عن احلامى لسا بدرى على ما احققها بسى شايف انى بدءت فى مشوار تحقيقها

وعندى يقين ان ربنا هيسعدنى فى تحقيقها ان شاء اللة

3 ماشىياعم نادر وقبل ما وليد يفضحنى اسم ولد عبد الرحمن
اسم بنت ريتاج
ان شاء اللة


4 هو وفاة ولدى هو مش مؤثر فقط هو قلب حياتى وبقية شخص تانى
اصبحت سىء فى حجات وافضل فى حجات

ميرسى ليك يا نادر على اسئلتك بجد ميرسى

لا واللة ياوليد عمرى ماندمت على اى حاجة وبعدين لما اجى اندم اندم عى معرفتك عيب عليك ياريس دا احنا بنقعد معا بعض اكتر ما بنقعد معا اهلينا
لا مش ديما بسى انت مش بتفرك بين الهزار والجد
فاكلر لما كنا فى الامتحان وبقولك هات القلم الرصاص حلفة انك ما مدهولى
ولالما وقفت فى المدرج تقول ان البرشام بتاعى مع انك عارف ومنأ مليون المية انة مش بتاعى


2 كا خلقيات اكيد انا متعلمتش منك حاجة انا متربى يا جزمة
اما شعور جميل كنت انت السبب فى انى احب وابدء ادور عن الحب لانى كنت خجول زيادة عن الازم ميرسى ليك يا لو لو عيشتنى احلى حياة
بسى انت عارف لو حصل كدة ولاكدة هاجى ادبحك


3 اية يا عم وليد الى هقدر اقولة انكو اجدع صحاب فى الدنيا اكيد كل واحد فية عيوب وكل واحد فى مميزات الحلو مبيكملشى دا طبيعة الحياة

نصيحة ليكو ولكل اعضاء المنتدى ابحث عن عيوبك وحاول القضاء عليها وعن مميزاتك ونميها
وبعدين ياعهم وليد و\هو انا هعيش قد الى عشتة علشان اشوف صحاب تانية



4سر لاول مرة اقولة بسى من غير زعل فى بعض الاحيان انا بغير منكم انا مش ملاك

مشكور يا مرتضى على ردك على الاسئله يا كبير
وربنا يوفقكك يارب وتشوف عبد الرحمن وريتاج
ويخليهملك وتربيهم احسن تربيه ويبقوا احسن الناس انشا الله

أحيكى سلمى فأنا أتعرف على الاعضاء من هيدى الموضع الجميل

وانا أحب أعرف كل الاعضاء البارزين

وارجو لا يمر عليكى احد الى وان نتعرف علية

وانا سعيد أن أتعرف على الاخ ( هاتى ) الجميل فى كل ردودة و مواضيعة

أشكركم جميعاً



كـــــــــــــــــابو

ميرسى ليكى ياسلم بجد انك خلتنى اتكلم انا من زمان متسئلتش كدة
وبجد كيرسى يا نادر على متابعتك وربنا يوفقك انت كمان

اما الاخ كابو انا الى لية الشرف انى اتعرف عليك
بجد ميرسى لاى واحد سءلنى سؤال او شارك برد لية
وبجد ميرسى للبرنسيسة على وضعها لية على كرسى الاعتراف
الى بيخلينى اقضى وقت ممتع مع كل الاعضاء بجد ميرسى ليكو كلكو

الباشا بنفسة موجود على الكرسى لالا انا بحلم ولا اية

دا غبيان يا جماعة دا بينام من المغرب ميعرفش الحورات

ربنا معاك ونسمع كل خير


جنيور

جنيور باشا ربنا يخليك انا مش عارف اقولك اية بجد ميرسى لاى حد رد او سألنى اى سؤال بجد ميرسى ليكو كلكو

صباح الفل ياعم هاني ومنور كرسي الاعتراف يا برنس الليلالي وكنت عايز اعرف انت فشلت قبل كدة في الحب ولو فشلت فشلت ليه ؟ وابقي سلملي علي اول وحدة حلوة تقبلك اخوك







افضل المشي تحت المطر حتي لايري الناس دموعي

هانى انا داخل علشانك بس والله ومش هاتقل عليك فى البدايه كل سنه وانت طيب وانت اكيد عارف انك حبيبى .................
1- اوصف حياتك فى سطور بس من غير التشاؤم اللى انت معيشنا فيه؟
2-احلامك المستقبليه ؟
3-ايه اخباردوره المحاسبه... والفرح اللى كنت معزوم فيه اعترف علشان الاخبار وصلت ليا؟
4-ازاى اتعرفت على حبيبتك ؟
5- نصيحه لكل من وليد . حامد . سامى . منير . انا جايبلك الشله بتاعتنا يعنى نصيحه من القلب؟
6- موقف لما تفتكره تضحك ؟ وسمعنا بقى نكته ؟ ومستنيك فى العيد ان شاء الله بس انتا لوحدك بلاش وليد علشان بيخلص حاجات العيد

منور الكرسي يا باشا وربنا يعينك
‏1 .ايه اكتر حاجه ممكن تزعلك من اي حد تحبه؟
‏2 .هي حبيبتك الحاليه تبقي اول حب في حياتك؟
‏3 . اتعرفت علي حبيبتك اذاي؟
و بس خلاص
يارب ما تكونش اسألتي ضيقتك

احمد باشا حبيب قلبى عامل اية يا ريس

بالنسبة لسؤالك انا فشلت فى الحب
بصراحة انا مفشلتش فى الحب وبتمنا ان مفشلش يارب
وبجد شكر يابرنس على سؤالك وخلى بالك من نفس ياريس
وان شاء اللة يوصل السلام

1 وصف حياتى ياعم انا شخص عادى جدا بحب الناس والشغل حياتى ماهى الا عبارة عن شوية فرح على شوية احزان اتمنا ان تكون قد انتهت الاحزان وان لايبقى الا الافراح ماهى الاامنية
انا معرفشى اقولك حاجة عن حياتى غير ان انا راضى عن حياتى بطريقة غير طبيعية
احتمال انة يكون ارضاء لنفسى
او يكون هو دة الواقع فعلا
بسى الى اكيد ان انا لسة ان شاء اللة قدامى عمر واحلام اتمنا انى احققها

بجد انا راضى عن حياتى بكل مافيها
سواء كانت متاجرة فى الاحذية
متر فى سرفيس ليالى او من اصحابة مش فرق
واهم حاجة كتعليم انا كدة مية مية
بكالوريوس تجارة مش وحش اى تقدير بقى مش فرقة بسى كنت اتمنا انة يكون تقدير كويس

مادمت قادر على الحياة فهناك امل للطريق الافضل والمكانة الاعلى ان شاء اللة

2 احلامى المستقبلية
بسيطة جدا
بيت جميل و هادى وزوجة صالحة ووظيفة كويسة
مش عايز غير كدة
وبنت وولد هادئين


3 الدورة كويسة وادعى ربنا يوفقنى فيها وبيها
اما بانسبة للفرح مية مية بسى انا جيت بدرى على السريع ياريس

4 اة حببتى اهى هى دى الى موديانى فى دهية على المنتدى
بس ياعم من غير كسوف ولا احراج
انت عارف انى ببيع احذية فى السوق
انا شوفتها فى السوق وبصراحة هى كانت عملة علية تقيلة اكتر من شهر يامعلم بسى بقا النصيب حصل التعارف ياريس

النصلئح من غير زعل
وليد خذ الحياة بجدية اكتر من ذلك

حامد انت بتحب الناس كلها اعرف اذاى تخلى النا س تحبك
سامى انت طيب اة بسى مش مع كل الناس فى ناس بتستغل طيبتك دى بطريفة مش كويسة

منير امشى فى طريق عدل يحتار عدوك فيكحدد لك هدف واسعى علية وحاول تحقيقة

6 موقف كل مفنكرة اضحك بسى يا عم
قبل مدخل كلية التجارة انا كنت معهد فنى تجارى اول يوم لية فى المعهد الامن واقف على البوابة ومادد ايدة علشان الكارنية
رحت انا مسلم عية وسيبة وماشة
ووليد وراية راح قيلة محمود الخطيب
لا يامعلم مليش فى النكت
وانا جيك ان شاء اللة بكرة جهزة الحجات الحلوة على منيجى انت بتقى اول طلععة

سلام يا مونيكا

طبعا ياهاني انت عارف انا بعزك وبحبك قد ايه مش محتاجة انى اتكلم فى النقطة دى كتير واعتذر عن تقصيري الواضح لك ولإسلام عبدالمنعم ولكل أصحابي المقربين إلى قلبي أما عن سؤالى الموجه إليك فهو سؤال سهل جدا وبسيط جدا واعتذر إن كان سؤلا مقررا لاني مش قادر اقرأ الموضوع كله وانى لسه ضيف جديد على المنتدي و دى اول مشاركة بالنسبة لى فى النهاية اتمنالك التوفيق وتحقيق احلامك التى تتمناها 00000000000 نيجى بقى للسؤال

س/ اذا ذهبت لإدلاء صوتك فى إنتخابات مجلس الشعب فلمن تصوت له ؟ ولماذا ؟

( معركتنا معركة فئات وليست عمال )

بجد يا هانى بيعجبنى اسلوب حياتك ونظرتك ليها وانا سعيد جدا غن أنت عايشها بالطريقة .
يارب تفضل دايما كده .

هانى حبيب قلبى شكرا على الرد وشكرا على النصيحه بس وحياه الغاليه مامتك ماانت شايف حاجه بكره