دا الاهلى يا ابنى
دا الاهلى يا ابنى
دا الاهلى يا ابنى مش اى حد
والكوره لعبه واخدها جــــــد
اتأنى يا ابنى احسب وعــــــد
كام كاس ودورى الاهلى خـد
****
دا الاهلى يا ابنى وهس هس
دا الميه ميه مش نص نــص
دا الالفا هووالبــــج بــــــص
سكت يعنى مش لاقـــى رد
دا الاهلى يا ابنى مش اى حد
****
دا الاهلى يا ابنى مش اى نادى
رافــع تمللى رايه بــــــــــلادى
وجــــوه بــــــره وف اى وادى
خميس وجمعه او سبت حـــــــد
دا الاهلى يا ابنى مش اى حــــد
****
دا الاهلى ياابنى اصل الرجوله
وكرامته عنــــده قبل البطـــوله
وان قلت درجه الدرجه اولــى
وان قلت قيمه هــــــرم وســـد
دا الاهلى يا ابنى مش اى حـد
****
دا الاهلى يا ابنى فريد زمانه
ولا حد يقدر ياخـــد مـــــكانه
ولمين ح نهتف لو مش عشانه
دى مصر قبله والاهلى بعــــد
دا الاهلى يا ابنى مش اى حد
****
دا الاهلى يا ابنى والكل عارف
ع الفوز بيلعب واظن شايـــف
وشعاره روح ان كنت خايـف
وان كنت لأه شمــــر وصـــد
دا الاهلى يا ابنى مش اى حد
****
دا الاهلى يا ابنى اعظم اداره
وجهاز تمللى رهن الاشــاره
لعيبه تدى من غير امـــاره
جمهور حقيقى جمهور بجـد
دا الاهلى يا ابنى مش اى حد
اهلاوى وانا بحمد ربـــــى
ح اعديها
اهلاوى وانا بحمد ربـــــى
وبقولها ولا يمكن اخبـــــى
الفاظى راقيه ومحترمـــــه
ما انا مصرى حر ومتربى
اقدر ارص كلام جـــــارح
واغش زيك ولااسا مـــــح
واخلى قلمى حصان جامح
واقول لـــه جرح ويلبــــى
بس الاساءه مليش فيهـــــا
وان انت سئت ح اعديهــا
حالتك وحاسس انــــا بيها
وذنبك انت ما هوش ذنبى
اخترت تبقى زمالكــــاوى
ودا ضغط جابلك وبـلاوى
على كبد مزمن وكــلاوى
وقلب حـــــاقد ومعبــــــى
الإثنين 18 يناير 2010, 5:12 am