الى حبيبي:
انا تعبانه من غيرك
وحشتني كل حاجه فيك
وحشني كلامك
وحشني صوتك
سكوتك
همسك
كل حاجه
من يوم ما افترقنا وانا قلبي بيتدمر ثانيه ورا ثانيه
محتاجه ليك
محتاجه لكل حاجه فيك
محتاجه لاديك تلمس اديا وتطمني وتحسسني بامان الدنيا
محتاجه اشوف عنيك وترجعلي الفرح من تاني
محتاجه اسمه منك احلى كلمه سمعتها واحساسي حسها
كلمه بتخليني انسى الدنيا وهمومها واعيش
كلمه ريحتني طمنتني
مهما بعدت عني هتفضل قريب اوي من قلبي
لانك انت قلبي
وكل حياتي وكل حاجه بتمناها
انت نور طريقي وامل احلامي
انت الحلم الجميل الي بيجيلي كل يوم في منامي
انت بسمه رقيقه على شفايفي
فاكر كلامك ليا وكلامي ليك
يارب ماتكون نسيته وتكون بتفكر فيه
كان احلى كلام بيتعزف على اجمل الحان
انا الي معيشني ومصبرني اني شايفاك عايش سعيد
وانا كل الي يهمني في الدنيا سعادتك ورضاك
بس انا محتجالك اوي محتاجه لحضن قلبك
لو كنت غلطت سامحني
بس بلاش تبعد اوي وتجرحني
عايزه اكون دايما مطمنه عليك
ارجوك متحيرش قلبي الي بيموت فيك
انا هستناك تطمني وتريح قلبي الي بيحبك
قلبي بعتلك جواب متبخلش عليه برد منك
يمكن المره دي كتبت كلام مش منسق ولا موزون
لانها مشاعر جوايا حبيتك تعرفها وتحسها
مكتبتهاش في اغنيه او شعر او قصيده
حبيتك تقراها كلمات عشوائيه
كل كلمه بتحمل جواها ميه الف اه والم
ياريتك تحس بيها
وحشتني اوي
بحبك
الإثنين 18 يناير 2010, 1:43 pm
