اكمل المثال بطرقتك وحط مثل من عندك

ازيكو يا احلى اعضاء
جيبلكم النهارده لبه لذيذه جدا
يلا نلعبها

فكرة جديدة وسهلة
انا بعطي مثل وانت تكمله من عندك بطريقة فكاهية
ولا تكمله بالكمالة الاصلية

يعني كمل المثل:

من جد وجد ومن ........

انتا تكمله من عندك انتا اخترع اي حاجة وقولها
يعني في الآخر يطلع مثل يضحكنا

وتقريبا كل بعد كم يوم هضيف مثل او حكمة جديدة
وانتم تكملوها

يلا نبدا وبتمنى من الجميع يشارك...

المثل بالأصل بقول....جت العروسه تفرح ما لئتلهاش مطرح

وانتم هتكملوا الجزء ده
جت العروسة تفرح .....

__________________

تســــــــــــــــلم يا حـــــــــامد على اللعبه الجامده دى
وتكمله المثل هو
جت العروسه تفرح خدها الغراب وطار ياعينى

لى يخش يحط مثل تانى
والعضو لى بعده يكمل المثل
ماشى ياعم نادر
المثل
لى ما يشوفش من الغربال

معلش يا حامد انا والله كنت هاعمل كده
بس لقيتك قلت (وتقريبا كل بعد كم يوم هضيف مثل او حكمة جديدة وانتم تكملوها)
عموما حصل خير يا جميل
وتكمله المثل الى مايشوفش من الغربال يلبس نظاره كعب كوبايه
والمثل التانى
انا واخويا على ابن عمى ...............

انا واخويا على ابن عمى علشان ناكل اكلو وهو اساس غلس
المثل بتاعى
فى الوش مراية وفى القفة

فى الوش مرايه وفى القفه دليه

وانا مثلى
اعرف صحبك

بقيت المثل اعرف صاحبك وعرفه على بقيت اصحابك
والمثل بتاعى
الباب الى يجيلك منه الريح

المثل
الباب الي يجيلك منه الريح شيله وركب باب جديد ويا سلام بقي لو كان من قبنوري ويبقي بالتقسيط
تقسيط تقسيط
اما المثل بتاعي هو
اطبحي يا جاريه

تكملة المثل هى
تاكل اية يا سيدى
والمثل بتاعى هو
اقلب القدرة على فمها ................

تكمله المثل
اقلب القدره على فمه
ان كبر ابنك خويه

والمثل بتاعى
القرش الابيض

القرش الابيض اكيد مغسول بتايد بالكرات الزرقا ناصع البياض
والمثل بتاعى هو
ااجرى يا بن ادام جرى الحوش.........................

اجري يابن ادم جرى الوحوش يا تلحق الاتوبيس يا ماتلحقوش
ومثلى هو
اللى رشك بالمية

اللى يرشك بالميه خد منه فوطه ونشف وشك
ومتلى هو ان كان حبيبك عسل

ان كان حبيبك عسل
سيب النمل يتلم علية
المثل بتاعى
اللى يقول لمراتة يا هانم يقفوا ليها على السلالم واللى يقولها يا عورة .......................

تكمله المثل : اللى يقول لمراتة يا هانم يقفوا ليها على السلالم واللى يقولها يا عورة يقف لها فى البلكونه
والمثل بتاعى يا داخل بين البصله وقشرتها .........

تكمله المثل هو
ياداخل بين البصله وقشرتها اعمل الخير وارميه البحر
اما المثل بتاعي هو
جات الحزينه تفرح

يا داخل بين البصله وقشرتها .........
حط قطرة علشان هادمع من ريحتها
المثال بتاعى

جت الحزينه تفرح

جات الحزينه تفرح خدتها ام الشعووور
والمثل بتاعى اتلم تان تون على تان تان ................
هههههههههههههههههههه

<P>   اتلم تان تون على تان تانه خلفوا فرقه الموسيقى العربيه   </P>
<P>مثلى هو يا نحله مش تقرصينى ولا عاوز</P>

يا نحله ولا تقرصينى ولا عاوز اشوف وشك تانى
المثل بتاعى : الباب الى يجيلك منه الريح .............

الباب الى يجيلك منه الريح سيبه موارب يجيب طراوه
والمثل بتاعى جت الحزينه تفرح

لقت ام العريس وقفه مستنياه على الباب

والمثل بتاع

يا خرجه من باب الحمام ...............

يا خارجة من باب الحمام ....... ياريت تقفلى الباب وراكى
المثل بتاعى هو.. يا خبر بفلوس بكرة...................

يا خبر بفلوس بكرة..

هينزل عليه اكازيون
.................

المثل بتاعى

من خرج من داره

المثل هو يا داخل بين البصله وقشرتها اعمل الخير وارميه البحر
اما المثل بتاعي هو
قالو للعور لو ضربوك علي عينك

» حصريـا اكمل " ليه يا قلبي
» حصريا كليب اكمل - لية يا قلبى
» استغاثه
» البوم مريم فخري " استني عندك "
» حصريا أغنية ميدو السيد محمد - لو عندك شك