اهلين وهلا بيكم في رابع اطلاله لنا في كرسي الاعترااااااااف

المره دى انا الى هقدم الضيف نيابه عن اختى العزيزه سلملى وده برضوا بعد اذنها
المهم نرجع لموضوع الحلقه الضيف بتاع انهارده هو ضيف غير عادى لانه دخل المنتدى من فتره قصيره قوى بس اكنه واحد معانا من زمان قوى اثر فينا واثرنا فيه يتميز بموضاعاته الذهبيه وخفه دمه الفائقه ونشاطه المستمر المتميز طبعا انا قولت لازم يدخل معانا فى كرسى الاعتراف فبما انا هو منشىء هذا الموضوع فيجب علينا ان يكون واحد غيرها هو الذى يقدمها

فبنا نرحب جميعا بضيفنا العملاق والمتميز دايما
سلمى

فى البدايه الاسم
السن
العنوان
ثانيا ايه هو طموحاتك وسلبياتك وايجبياتك بالعربى من الاخر احكيلنا كل حاجه عنك
دى بعض الاسئله عما اجمعلك شويه اسئله زى الى كنتى معذبانى بيها

ميرسي اووي اووي ياوليد علي المقدمه الرائعه دي
وبجد انا متخيلتش اني هعقد علي الكرسي ابدا وانتا بجد فجئتني
وشكلك كده بتنتقم مني بس ماشي ووراك وراك بردوه
اولا**
الاسم& سلمي محمد نداء شاهين
السن& 19
العنوان& دمياط
ثانيا**
كل طموحاتي اخلص دراستي واشتغل وافضل معاكم طبعا علي طول وميجيش اليوم اني انقطع عنكم بجد
لاني بحبكم كلكم زي مايكون اعرفكم من زمان _ ونفسي بقي بجد اسافر اوي.. طبعا عارفه ان ده حلم استحاله يتحقق بس اهوه حلم
ايجابيتي **بحب الناس جدا _واثقه في نفسي لدرجه كبيره ومش بتهز لكلام حد مهما كان مش غرور والله بس ثقه جامده شويه_ بحب الحياه مهما كانت الدنيا قاسيه عليه بحب اعيشها واهزمها
سلبياتي **ساعات بستسلم للياس وللضعف ولما بكره حد بكره جدا** وبجد فيا عيب بسيط لما بحب حد اوي ويجرحني مهما كان الجرح بنسي الجرح وبفضل افتكر الحلو بس مع ان كده ممكن ناس تفكرها ميزه بس بالنسبه ليه عيب في شخصيتي للاسف لما بزعل من حد غالي عليا دموعي بتبان قدامه وده بردوا عيب فيا لاني بجد مبحبش ابين دموعي بس للاسف بتظهر
ودي اسئلتك ياوليد حليتها كلها بس كنت عمله برشام
هههههه يارب تكون عفوت عنا وكفايه كده انا كده بقيت علي الفضائيه
وبجد ياوليد بشكرك تاني علي الكلام الجميل ده
يارب اكون عند حسن ظن الجميع

منوره كرسى الاعتراف
ياسلمى
سؤالى هو
افضل لحظه عشتيها فى حيااتك
واسوا لحظه فى حياتك
والسؤال الاهم انتى ازاى عرفتى المنتدى
وايه رايك فيه وايه اهم قسم وافضل قسم

ميرسي ياحامد لذوقك
اولا**
افضل لحظه في حياتي**
يوم مادخلت الكليه بتاعتي
اسو يوم عشته بحياتي**
اسوء لحظه عدت عليا بجد وياريتها معدت عليا
يوم ماخاني اقرب الناس ليا خيانه طعنتي في قلبي وخلت قلبي ينزف لحد دلوقتي

ازاي بقي عرفت المنتدي**
والله كانت صدفه
وسجلت فيه صدفه جدا ومش كذب دي حقيقه فعلا
لان اسماعيل سالني السؤال ده
قبل كده وماكانش مصدق
بس دي الحقيقه وربنا
رايي فيه بقي**
بجد المنتدي جميل جدا
وانا بحبه جدا ويارب في تقدم دايما
ليه ولا عضائه الاكتر من اخوات ليا
وافضل قسم هو**
بصراحه كل الاقسام مهمه جدا وبتضم حجات معينه
بنستفاد منها بس ممكن ارشح بزياده
قسم المنوعات
لانه بيضم مقالات كتابيه مهمه ومنوعه
بالتالي ده قسم مهم ولذيذ كمان
ميرسي لسؤالك ياحامد
اي خدمه

بالصلى على النبى بعد ما تجاوبى على المايسترو تستريحى شويه وتجاوبى عليا انا هسالك الاسئله الى انتى كنتى بتقوليها ليا
اولا ان جرحت من شخص هل تبادر بالانتقام؟
هل لديك حبيب فهمك وفهم تفكيرك؟ومن هو؟
هل تثق في نفسك ؟ وماهو الاثبات؟؟

ثانيا: هل تعايشت مع الصمت مره ؟ وماذا احسست؟؟
2: ماهو اقل ماقلته؟ واكثر ماندمت عليه؟ واجمل مافقدته؟ واجمل ماكسبته؟
3: اغنيه دايما بتغنيها ومتملش منها؟
4: سر اول مره تقوله لنا؟؟؟؟

وربنا انتا شكلك مصتقصدني ايه ياوليد ده كل دي اسئله
حراااااااااااااااااااااااااااام عليك انا هبقي علي المحور
اولا** لا ابادر بالانتقام بس هسيبه هو وضميره بقي ومنه لربنا
2_بصراحه لسه **ومن هو_الله اعلم
3_ نعم بثق في نفسي جدا _ الاثبات بقي اني عمري ماجرحت حد وعمري مااذيت حد ومبعملش شئ غلط في حياتي لايضرني ولا يضر اهلي
ثانيا
1_نعم تعايشت مع الصمت مره _ ماذا احسست_ احساس غريب وصعب بانك سعات بصمتك بتخسر اقرب الناس ليك
2_اقل ماقولته
حسبي الله ونعم الوكيل
اكتر ماندمت عليه _
اني اكون زعلت اغلي شئ املكه بالدنيا وهي ماما
_اجمل مافقدته
بصراحه بابا اجمل شئ كان ليا في الدنيا وفقدتها
_اجمل ماكسبته
حب الناس ليا وحب اهلي وانتوا كمان انا بعتبركم نعمه كبيره ليا وشئ اغلي ماكنت بتمني
3_اغنيه عبد الحليم حافظ انا لك علي طول
واغنيه اليسا_لو ماتيجي بحبهم اوي وبغنيهم علي طول

مساء الخيرات عليكى ياسلمى انا هبقى كويس ولطيف معاكى
والله مش تقلقى لانك لما قعدت انا على الكرسى سالتينى
اساله كويسه وجميله المهم

ايه هيا الدنيا بالنسبه ليكى وايه هيا اهم ميزاتها وعيوبها

مساء الفل ياسامي
وميرسي علي اللسؤال اللي انا مش فهماه ده بس هجاوب
الدنيا بالنسبه ليا حاجه جميله او تقدر تقول عليها مريض بالنسبه ليا
ياما اعالجه ويمشي معايا تمام
ياما تتعبني هيا بس مش بستسلم للدنيا ابدا مهما كانت قاسيه
اهم مميزاتها
_الحب ولما بتدي لحد الحب بتضحك في وشه علي طول
_اهم عيوبها بقي انها لما بتكره حد بتديه كل ماهو غامض وجارح
وتلم ياسامي علي السؤال ده

انا اسف لانى هسال تانى بس وليد وسامى ولعه الكرسى
وانتى ياسلمى الكرسى حلو عليكى
المهم
اسمعى ياسلمى

من هو الشخص الذى لا ترفضى له طلب

باقة شوك لمـــــــــن تهديــــــــــها......؟

حمامة زاجل استقرت على نافذتك تحمل رسالةمن مجهول فمن تتمني ان يكون؟

قطعة فحم صغيرة وجدار نظيف ماذا سترسم عليه وماذا ستكتب تحت الصورة ؟

واخيرا اتمنى ان تهدينى وتهدى كل من سالك فى كرس الاعتراف صوره واغنيه فماذ ا تكون هذه الصوره او الاغنيه

ااااااااااااااه والله حرررررررررررررررام هو معدش وراكم غيري
ماشي ياوليد انتا السبب
ماشي يااااحامد ايه الاسئله الصعبه دي حرام عليك
بس هجاوب وامري لله
""اولا""
1_ ماما_ وصديقه عمري
2_ لاي انسان في الدنيا قدملي جرح ومش هسامحه عليه
3_ ""فارس احلامي""
4_ هرسم قلبي _ وهكتب عاشق للحياه ومحب للحريه

**واخيرا**
بهدي لكل واحد فيكم

1** _ المايسترو__مدرسه الحياه

2**_ وليد __انتا عاوز مني ايه ؟؟؟؟؟

3**_ سامي __هيا الحياه كده ليه

وفي الاخر بهدي ليكوا كلكوا بقي
اغنيه اجدع صحاب
ميرسي ياحامد علي الاسئله دي
واتمني اني اكون عند حسن ظنكم

بسم الله الرحمن الرحيم
احب اعرفك بنفسى الاول
انا محمد سعد مشرف فى المنتدى
بسى انا بعيد اليومين دول عن المنتدى
علشان شغال بسى باذن الله راحع المنتدى
انا هسال سؤال واحد بسى ياريت ميكونش رزل
انا دخلت على منتديات كتير قوى بسى واشتركتش
فى منتديلت كتير وان كنت اشتركت مش بساهم كتير
انا عايز اعرف سر اهتمامك الغريب بالمنتدى
وشكرا على السؤال
اخوكى محمد سعد

اهلا بيك يامحمد
انا سعيده جدا بمعرفتك وسعيده بسؤالك جدا
وهو مش رزل ولا حاجه
علي العموم انا كمان اشتركت في منتدين قبل كده غيركوا
بس ملقيتش اهتمام بالاعضاء الجدد
او مفيش اهميه بالمواضيع اللي بتتكتب
لكن انتوا ماشاء الله عليكوا
اولا اهتمامكوا بالاعضاء الجدد
ثانيا انتوا تتحبوا بجد وحسيت فيكوا بروح الاخوه مش اكتر
وبمشاركتي معاكوا حسيت اني منكم دا بعد اذنكوا طبعا
فحبيت افضل معاكوا
واعترت كراديس بيتي التاني
بس هو ده سر اهتمامي بيه
لو مش يضايق حد فيكم طبعا
ميرسي علي معرفتك اولا ده شرف ليا
وميرسي علي السؤال تانيا

وانا طبعا وبصراحه كده بخاف ادخل القسم ده علشان مش تزنقونى عالكرسسسى

بس عامة انا مستعد لاى اسئلأه يوم ما ييجى وقت الحسساب

وربنا يسترها وسلمى احب اقولها
انها منوه المنتدى

ومش عايز ااقولها ولا اسئلها عن اى حاجه

بس احب اقلها

ربنا يوفقك يارب ف كل حياتك

واهديها المقوله دى

( ليـس كـل مـا يـتـمـنـاه المـرء يـدركــه )

شكرررررررررررررررررا

متشكره جدا جدا ياوائل علي ذوقك ده
انتا فعلا انسان جميل
بس مش تفكر انك علشان مسالتنيش هتحلرجني ومش هسالك
لا مش انا يومك لما يجي مش هتبعد بعيد
هسالك يعني هسالك

» اهلين وهلا بيكم في تاني اطلاله لنا في كرسي الاعترااااااااف* كله يدخل ويضع سؤلا
» << اهلا بيكم احبابي في معيادنا الاسبوعي وضيفنا في الكرسي <<
» وبعد غياب رجعنالكم تاني في اطلاله جديده في الكرسي مع ؟؟؟؟؟
» ياريت كلكواااا تدخلو وتردوا عليا ضروري *في كرسي الاعترااااااااااااف*مستنيه ردودكم
» وبعد غياب رجعنالكم تاني في اطلاله جديده في الكرسي مع عضو غايب عن المنتدى هو ؟؟؟؟؟